السلام عليكم ورحمة الله وبركاته
أقـدم لكم القصيدة الرائعة التي جارا فيها الشاعر متعب القداح قصيدة الشاعرة أسماء العبيدان في مدح الوطن
طبعا الآن سأقوم بطرح قصيدة الشاعر متعب القداح ،، بإنشاد المبدع عمر المنسلح الطوالة
ولاحقاً إن شاء الله سأقوم بطرح القصيدة الأخرى للشاعرة أسماء العبيدان
مع مراعاة أن الشاعران لم يقصدان التقليل من بنات الوطن العربي
أسماء سمت بالمعاني حيل مشكوره
بنت العبيدان بنت الأصل نجدية
تهيض شعري مع الاحساس وشعوره
نومسني رد الأصيلة بنت نشمية
عساك للطيب والافعال مذخوره
وعساك للمعتدي حربات نارية
الصيت محمود وانتي بخير مذكوره
وانتي علي حق وبعض الناس مبلية
أكفيت ياحي دايم فيك مستوره
عليك نفحات من ربي سماوية
انتم بنات الوطن امجاد واسطوره
وانتم بنات الوطن وشموع سحرية
محاسن الزين كل الحسن غندوره
مماشي الريم في وقفاتة وزية
مكامن الطيب عتق عوده عصوره
مرابي العز واصل العز والهيئة
زينات الاوصاف منها الشقر مبهوره
ماهي بنظرة بنات الفرس سطحية
الزين ثابت مع الازمان ودهوره
ياللي تقول الحلا والزين شامية
بنت الوطن من سحاب العز ممطوره
تبقى حياء بالوطن حره حياوية
ياشجرة الدار ظل وصوت عصفوره
ولون الفراش اللي بالارياف صبحية
الدار من غيركم دنياه مهجوره
والدور من غيركم لاشك منسية
سمعت ياللي تفضل دار سنيوره
بعض السواليف نسمعها رخاوية
ان كانها بالتخلف قلت مشهوره
وتقول الاحوال والافكار شعبية
بنت الوطن بارض نور الارض مبذوره
ارض(ن)حباها كتاب الله ومحبية
بنت الوطن ياعديم السد مخبوره
بنت الوطن بنتنا يامخلف النية
حنا عن الدار غبنا ايام وشهوره
نعود والدارهي بالستر مضفية
ياللي تمشى تسب خطاك معثوره
مقصوره يمناك عن الطيب مثنية
ماتدرك العلم والافكار مثبوره
نفسك علي الشر والخيرات منهية
ان كان عينك من الشاشات مسحوره
الشوف ياعاشق الشاشات وهمية
تصبح حياتك من النقصان مذعوره
وتمسي حياتك من الاوهام مرثية
مغرور محرور غيرك بنت مغروره
ماينتسب فعلها ماهوب مارية
يضيق صدرك ونفسك دوم مقهوره
دامك تبيها تمشى شبه مكسية
من الحماقة تبيها تجيك مطيوره
والاتقول انتي توك بنت رجعية
ياناوي الشر والاذكار مبتوره
خلك مع اللي تبيعك وامس مشرية
لاضاعت خطاك في غبات ديجوره
نعدل خطاك راضي والا جبرية
انتم من اللي تنابح دوم مسعوره
ماقصدها جوع شبعانة ومسقية
مير البلى قصدها بحسرة ومحروره
تبغى دعاويها زي الغرب مغوية
عوذى بربي ياجن الانس مدحوره
بنت الوطن دونها حنا ومحمية
محشومة انتي يابنت الدار معذوره
حنا شباب الوطن نكفيك عانية
نجية وان كان فاقد خارجٍ طوره
نردة وان كان فيه عناد وجنية
نجية ويشوف مربى الدار ونموره
يشوف عزم الرجال اخوان ريمية
ياعزوة اللي تعزوى نخوتة نوره
عزوة رجال لهم نخوات وحمية
حنا شباب الوطن في حماه وثغوره
حنا شباب الوطن نفداك ياخية
القصيدة لشاعر:متعب القداح .
منشده
في شريط يبه 2
للمنشد :
عمر المنسلح .
ملاحظة مهمة : لا ترفع صوت المآيك أو السماعات لأعلى درجة
لأن درجة التسجيل كانت عالية .. وإذا رفعت الصوت الله يعينك
| |
الموضوعالأصلي : إلى بنـات الوطن المصدر : منتـديات الشـارف الكاتب: