قرأت هذا الموضوع فى احد المنتديات ووجدت ان من الواجب على نشره 0
السلام عليكم ورحمة الله وبركاته

بداية عاوز أسلم عليكم كلكم زملاء وزميلات صيادله او اطباء

اكيد طبعا كلنا في قمة غضبنا من اعادة نشر الرسوم المسيئة لسيد الخلق نبينا محمد صلي
الله عليه وسلم
الرسوم دي عماله بتتنشر في الدانمارك كل يوم وكل يوم الاهانه بتزيد لينا وفي اغلي انسان عندنا علي وجة الارض اكتر واكتر


وكلنا هتسئل علي موقفنا ده قدام ربنا وقدام رسوله عن اللي احنا عملناه


كلنا عملنا المقاطعه للبضائع وكانت فعاله في بدايتها جدا بس لما اتهاونا فيها بعدين وطنشناها الناس دي عرفت ان مافيش مننا رجا
ورجعت اقوي من الاول والاهانه علني وبدون اعتذار

انا فكرت بدوري كصيدلي في اي شيئ ممكن اعمله يكون عذر ليا قدام رسول الله صلي الله عليه وسلم

النقابهكانت عامله مقاطعه ومنزله ورق وموزعاه بس حسيت انها ما كانتشي فعاله اوي وانا ساعتها كنت طالب وما كنتش لامس الموضوع ده بايدي اوي ولا كنت عارف مداه ايه

بس انا حسيت من بعد الموضوع ده ان المقاطعه دي واجبة علينا بجد

الناس دي اللي بيحكم سياستها هو اقتصادها

لان بجد اقتصادها لو انضرب هيخروا ويركعوا
اينعم المفروض اننا لو قوة بجد كان تأديبنا ليهم يبقي بطريقة تانيه
بس علي الاقل نعمل الللي علينا دلوقتي

انا ابتديت بالمقاطعة فعلا والحمد لله اني شغال في صيدلية كبيرة وشغاله اوي وعلقت ورقة في الصيدلية دي نصها


_________________________ _____ _


الي كل مسلم يحب الله ورسوله

ودعما لمقاطعة البضائع والمنتجات الدانماركية

وبعد التحدي السافر للمسلمين واستفزاز مشاعرهم
باعادة نشر الرسوم المسيئة لسيد الخلق نبينا محمد
بزعم الالتزام بحرية التعبير


فهذة الأدوية لشركات دانماركية موجودة بالصيدليات وسوق الدواء المصري ويوجد لها أدوية بديلة
(أي بنفس المادة الفعالة وبنفس التأثير )

فاستشر طبيبك أو الصيدلي باستبدالها بأي دواء آخر

واعلم ان مقاطعتك لتلك الأدوية نصرة لنبيك وشفيعك محمد صلي الله عليه وسلم
وليكن ما ستفعله هذا جوابا لسؤاله لك عندما ستلقاه


Burinex
Fucidin
Fusicort
fucithalmic eye drops
One alpha
Betolvex amp
Cipram
Cipralex
Elyzol
Novo norm
Fluanxol

منتجات الانسولين من شركة نوفو نورديسك مثل
(Novo mix, Levemir & Novo rapid) flex pens Insulin Mixtard, Insulin Actrapid, insulin Insulatard




______________________



الورقه دي انا معلقها عندي في الصيدلية وبقيت فروع الصيدليه كلها

الناس بجد متجاوبين جدا والناس كلها فعلا بدأت تقاطع بجد

فيه ناس بقت تطلب مني نسخه عشان توزعها علي معارفهم وفي الصيدليات بتوع الدكاتره والعيادات اللي يعرفوها شجعوني بجد

واللي خلاني بجد مقتنع من اللي انا بعمله انه عامل نتيجه

جالي مندوب من احدي الشركات دي وهي نوفونورديسك

المندوب شاف الورقه بجد اكن صاعقه نزلت عليه وارتبك وكان بجد هيموت من القلق والتوتر قدامي
وفضل يطلعلي في اعذار وحجج وكلامه طبعا كمنه مش حق ماهوش راكب علي بعضه
بس الحمد لله عرفت اقنعه بكلامي وقالي الشركه بيتقال ومش بيتقال
وقعد يطلعلي في انسولين بتاع افنتس وليللي عيوب الدنيا ويحاول يبرر موقفه
ويقولي هاجي ازورك تاني ونتكلم وكان عايز يعزمني كمان عنده فيالشركة

طبعا الراجل خايف علي اكل عيشه بس ماحطش في باله هم اكبر وهو دينه

ماعلينا

بس اللي أعرفه ان الشركات دي بجد هيتقصم وسطها في مصر خصوصا والعالم الاسلامي كله عموما لو قاطعناهم وبلتالي هيتقطم وسط دولتهم

الناس دي امبراطورها هو قرشها

لو ضربناهم فيه مؤقتا علي الاقل هنعرف نوقفهم عند حدهم
مؤقتا مع اني كان نفسي ان يكون ردنا اقوي من كده

نداء لكل صيدلي
غيور علي دينه ورسوله

قاطع بجد واخطوا خطوة ممكن تكون شفيعه ليك عند نبيك لما يسألك وربنا يسألك


انا كتبتلكم الكلام ده بدون ترتيب بس اللي جه علي دماغي دلوقتي ولسه مندوب الشركة ماشي من عندي

انا مش عارف اذا كان حد فيكم خد خطوة زي دي والا لا
بس بجد ياريت كلنا صيادله ودكاتره نخطو الخطوة دي ياريت بجد كل واحد صيدلي فينا يحفز اي حد يعرفه بده

وربنا يوفقنا جميعا


دي بعض المنتجات كمان


شركات الادوية الدنماركية هي

LEO company products


DUMEX company products
Alpharma company products


Novo Nordisk company products

ملحوظه : كاتب هذا المقال وضه بعض الماركات والرسومات التى تميز هذه المنتجات بس انا بصراحه معرفتش انزلهم ممكن اى حد يعرف اى ماركات او علامات مميزه لمنجات دنماركيه يشارك بيها 0

Lund beck company products


و الله أعلم
منقول

الموضوعالأصلي : من فضلك ادخل لأهميه المصدر : منتـديات الشـارف الكاتب:عبد الكريم