بسم الله الرحمن الرحيم
السلام عليكم ورحمة الله،،، عذرا على الإنقطاع الطويل وأحب أن أشكر كل من سأل عني في غيابي
يعلم الله أن لكم معزة خاصة في قلبي ولكن آثرت أن أكتب هذه القصيدة المتواضعة لرجل يعرف نفسه جيدا
إهداء خاص عله أن يرضى ولو قليلا عن فترة انقطاعي ويتبين أسبابها المبهمة والتي آثرت أن تكون رمزية لن
يعلم فحواها غيره وأطلب منكم العذر والسموحة

رحلت وهاجسي يتبع كريمين الخصالي= توشحت بيرق العز واعتلى مرقابها
سلوم الطيب والنخوة شريفين المقالي=رجالن نالت شرف والشرف يزها بها
يوم سأل ربعي وشفيك عنا ما تبالي=طول غيابك ما عرفنا للغيبه اسبابها
قلت العذر هذا بعض اللي جرالي=واللي شقاني ماودي يا فهد تشقى بها
يوم اني تغيبت وحسبت وضعي مثالي=قست علي الدنيا وانشبت مخلابها
وازويت في مكان قفرن من الناس خالي=أناجي القمرا وترف عيني اهدابها
واذكر كم صار عمري وكم رحل غالي=وكم قصة حب غيب القبر اصحابها
وكم فاتنة عافت تتفيأ ظلالي=وارتضت هجير الشوق يشب جلبابها
ومعاملاتنا عند حضرة صاحب الجلالي=ركنها بالارشيف ولا فكر يوم يقرا بها
علقت عليها أجمل صفحة آمالي= بكرة أو بعد بكرة يارب أوحى بها
من يفلق الإصباح إلى وقت الزوالي=أدعي الله عالم النفوس واتعابها
يالله تصبرني حتى ألقى منالي=وارضي والديني لجل يالله ترضى بها
يا فهد أعرف علومك علوم الرجالي=وربعك كلن عرف سلومها ودرابها
سلوم الطيب والنخوة كريمين الخصالي=رجالن نالت شرف والشرف يزهى بها



طالت طموحاتي ولكن قصرت احبالي=مثل طيرن تعلى والبارود صابها